Ciclus d'occurrenzas

Café scientific Grischun: "Ensi malgrà diminuziun – potenzial e perspectivas per il territori da muntogna" 

Cuntegn dal program

Co restan nossas regiuns da muntogna degnas da viver malgrà la depopulaziun, la populaziun che daventa pli veglia e la reducziun economica? Tge rolla gioga la cuntrada en quest connex, co po vegnir promovida la biodiversitad en accordanza cun in turissem persistent e co pon ils parcs gidar a dumagnar questas sfidas? Questas ed autras dumondas vulain nus discutar cun indigenas ed indigens, spezialistas e spezialists da turissem e cun tut las persunas interessadas e debattar ils potenzials e las perspectivas da nossas regiuns da muntogna.

Referents

• Prof. Michael Forster, vicemainafatschenta dal PN Beverin
• Gian Michael, deputà e pur da muntogna
• Prof. dr. Boris Previšic, directur da l’Institut per las culturas alpinas
• Lea Reusser, manadra FoLAP scnat
• Rita Schmid, Forum Vals, co-manadra dal project Convivenza
  
  

Moderaziun: prof. Stefan Forster, manader ZHAW sectur da perscrutaziun turissem e svilup persistent

Public en mira

Occurrenza publica

Ciclus d’occurrenzas Café scientific

Cafés èn gia adina stads lieus d'inscunter bainvis per discutar davart fatgs actuals e per barattar opiniuns. Senza referats e podium discuteschan expertas ed experts cun il public davart temas scientifics d’impurtanza particulara per il Grischun.

I sa tracta d'in discurs avert tranter tut las participantas ed ils participants. L'entrada è libra.

Inizianta e coordinatura

Il ciclus d'occurrenzas cun cafés scientifics, iniziada da la Fundaziun Science et Cité en divers lieus da scolas autas en Svizra, vulan pussibilitar a la populaziun il barat persunal cun las scienzas natiralas e cun las scienziadas ed ils scienziads da differents champs – cun la finamira da reducir las barrieras tranter la perscrutaziun a las scolas autas e la populaziun. En il barat direct daventa evident il niz general da la perscrutaziun en scolas autas ed en instituts da perscrutaziun. La colliaziun tranter il mintgadi ed ils resultats da la scienza daventa evidenta. Il ciclus d' occurrenzas vegn coordinà da l'Academia Raetica, da l'associaziun per promover la scienza, la perscrutaziun e la furmaziun en il chantun Grischun e ses conturn.